Неймар ёзда Европага қайтмоқчи

“Сантос” ҳужумчиси Неймар ёзги трансфер ойнасида Европа клубларидан бирига қайтмоқчи. Бу ҳақда “Cadena Ser” хабар берди.

Манбага кўра, бразилиялик футболчи Европага қайтиб, яна дунёнинг энг яхши лигаларида ўйнамоқчи, аммо бунинг учун топ-клубларни унга яхши маош тўлашга кўндириш керак. Барча мумкин бўлган таклифлар орасида у иккиланмасдан қабул қиладиган таклиф бор – “Барселона”.

Қайд этилишича, Неймар профессионал фаолиятини қайта бошлаш учун “Сантос”га ўтган. У ерда у яна бир бор ўзининг энг яхши футболини кўрсатишга уриниб кўради, унчалик талабчан бўлмаган чемпионатда, яъни Бразилия лигасида “Сантос”нинг шарафини ҳимоя қилади.

Эслатиб ўтамиз, аввалроқ 12 йил ўтиб Неймар “Сантос” асосий таркибида майдонга тушгани хабар қилинганди. 

9 февраль куни Бразилия Паулиста лигасининг 8-тур учрашувида "Новоризонтино" ҳамда "Сантос" жамоалари тўқнаш келди ва ҳамма учрашувни "Сантос"нинг асосий таркибида бошлаган Неймарнинг ўйинига гувоҳ бўлди.