12 йил ўтиб Неймар “Сантос” асосий таркибида майдонга тушди
Спорт
−
10 Февраль 2310
Кеча, 9 февраль куни Бразилия Паулиста лигасининг 8-тур учрашувида “Новоризонтино” ҳамда “Сантос” жамоалари тўқнаш келди ва ҳамма учрашувни “Сантос”нинг асосий таркибида бошлаган Неймарнинг ўйинига гувоҳ бўлди.
Бу Неймар учун клубга қайтганидан кейин иккинчи ўйин ва “Барселона”га кетганидан 12 йил ўтиб асосий таркибдаги биринчи учрашуви бўлди. “Ботафого Сан-Паулу” билан сўнгги учрашувда бразилиялик юлдуз иккинчи бўлим бошида майдонга тушганди.
“Новоризонтино”-“Сантос” ўйини якунда голсиз дуранг билан якунланди. Кейинги ўйинда “Сантос” сафарда “Коринтианс”га қарши ўйнайди.
Маълумот учун, ҳужумчи ушбу қишки трансфер ойнасида “Сантос”га ўтди. Футболчининг клуб билан амалдаги шартномаси жорий мавсум охиригача амал қилади.
