НАТО ва АҚШ Украинани жангда ушлаб туришга тўлиқ содиқ – Рютте 

НАТО Бош котиби Марк Рютте бутун НАТО, шу жумладан, Қўшма Штатлар ҳам Украинани Россия босқинига қарши курашда сақлаб қолишга “тўлиқ содиқ” эканини айтди. Бу ҳақда у кеча, 25 июнь куни Гаагадаги НАТО етакчиларининг саммити якунида сўз очди.

Рютте НАТОда ҳеч ким Россияга нисбатан соддадил эмаслигини ва альянснинг барча аъзолари Москвага нисбатан “бир хил баҳо беришини” айтди. 

Маълумки, АҚШ Президенти Дональд Трампнинг Украинадаги урушни тўхтатишга қаратилган саъй-ҳаракатларида Россияга нисбатан кўпроқ муросачи позицияси АҚШнинг Киев олдидаги мажбуриятлари ҳақидаги саволларга сабаб бўлди. 

“Бутун НАТО, шу жумладан, Қўшма Штатлар ҳам Украинани курашда ушлаб туришга, агар тинчлик битими бўлса, бу тинчлик битими ёки ўт очишни тўхтатиш – мустаҳкам ва барқарор бўлишига ишонч ҳосил қилиш учун тўлиқ содиқдир”, деди Рютте.

Унинг сўзларига кўра, Украинага кўпроқ ҳарбий ёрдам учун европаликлар жавобгар бўлади. Аммо Қўшма Штатлар ҳали ҳам “разведка маълумотларини алмашиш ва амалий ҳарбий ёрдам билан”, шу жумладан потенциал ҳаво ҳужумидан мудофаа тизимлари билан шуғулланади.

“Менимча, ҳали ҳам Американинг катта, катта иштироки бўлади”, деди Рютте.

Трамп маъмурияти ҳам европаликларга НАТО орқали АҚШга таянишдан кўра, хавфсизлиги учун асосий масъулиятни ўз зиммасига олиши кераклигини айтди. Рюттенинг айтишича, бу жараён европаликлар мудофаа учун кўпроқ маблағ сарфлаш мажбуриятини олгани учун мумкин бўлади ва Россия фойдаланиши мумкин бўлган бўшлиқларнинг олдини олиш учун “яхши ташкил этилган”.

“Мен сўнгги бир неча ой ичида Вашингтонда бу муҳокамаларни ўтказдим”, деди у.

Кўп йиллар давомида АҚШ “Осиёга кўпроқ буришимиз керак” деди. Энди европаликлар кучайиб бораётгани бунга имкон беради. Кўрасизки, Қўшма Штатлар НАТОга имкониятлар бўйича етказиб бераётган нарса аста-секин тушиб кетади. Аммо Қўшма Штатлар Европада ҳеч қандай қобилият бўшлиқлари пайдо бўлишини истамаслиги ҳақида аниқ равшанлик бор” деди у.