NATO va AQSH Ukrainani jangda ushlab turishga to‘liq sodiq – Ryutte 

NATO Bosh kotibi Mark Ryutte butun NATO, shu jumladan, Qo‘shma Shtatlar ham Ukrainani Rossiya bosqiniga qarshi kurashda saqlab qolishga “to‘liq sodiq” ekanini aytdi. Bu haqda u kecha, 25 iyun kuni Gaagadagi NATO yetakchilarining sammiti yakunida so‘z ochdi.

Ryutte NATOda hech kim Rossiyaga nisbatan soddadil emasligini va alyansning barcha a’zolari Moskvaga nisbatan “bir xil baho berishini” aytdi. 

Ma’lumki, AQSH Prezidenti Donald Trampning Ukrainadagi urushni to‘xtatishga qaratilgan sa’y-harakatlarida Rossiyaga nisbatan ko‘proq murosachi pozitsiyasi AQSHning Kiyev oldidagi majburiyatlari haqidagi savollarga sabab bo‘ldi. 

“Butun NATO, shu jumladan, Qo‘shma Shtatlar ham Ukrainani kurashda ushlab turishga, agar tinchlik bitimi bo‘lsa, bu tinchlik bitimi yoki o‘t ochishni to‘xtatish – mustahkam va barqaror bo‘lishiga ishonch hosil qilish uchun to‘liq sodiqdir”, dedi Ryutte.

Uning so‘zlariga ko‘ra, Ukrainaga ko‘proq harbiy yordam uchun yevropaliklar javobgar bo‘ladi. Ammo Qo‘shma Shtatlar hali ham “razvedka ma’lumotlarini almashish va amaliy harbiy yordam bilan”, shu jumladan potensial havo hujumidan mudofaa tizimlari bilan shug‘ullanadi.

“Menimcha, hali ham Amerikaning katta, katta ishtiroki bo‘ladi”, dedi Ryutte.

Tramp ma’muriyati ham yevropaliklarga NATO orqali AQSHga tayanishdan ko‘ra, xavfsizligi uchun asosiy mas’uliyatni o‘z zimmasiga olishi kerakligini aytdi. Ryuttening aytishicha, bu jarayon yevropaliklar mudofaa uchun ko‘proq mablag‘ sarflash majburiyatini olgani uchun mumkin bo‘ladi va Rossiya foydalanishi mumkin bo‘lgan bo‘shliqlarning oldini olish uchun “yaxshi tashkil etilgan”.

“Men so‘nggi bir necha oy ichida Vashingtonda bu muhokamalarni o‘tkazdim”, dedi u.

Ko‘p yillar davomida AQSH “Osiyoga ko‘proq burishimiz kerak” dedi. Endi yevropaliklar kuchayib borayotgani bunga imkon beradi. Ko‘rasizki, Qo‘shma Shtatlar NATOga imkoniyatlar bo‘yicha yetkazib berayotgan narsa asta-sekin tushib ketadi. Ammo Qo‘shma Shtatlar Yevropada hech qanday qobiliyat bo‘shliqlari paydo bo‘lishini istamasligi haqida aniq ravshanlik bor” dedi u.