НАТО Украинага 500 млн евролик янги ёрдам пакетини юборади

НАТО Украинага 500 миллион евролик янги қўшимча ёрдам пакетини тайёрлайди ва жўнатади. Бу ҳақда альянс бош котиби Йенс Столтенберг маълум қилди.

Бош котибнинг сўзларига кўра, у ёқилғи ва дори-дармонларни ўз ичига олади. Шунингдек, альянс Украинага артиллерия ўқ-дориларини етказиб бериш ҳажмини оширади.

"Биз мисли кўрилмаган миқдорда турли хил ўқ-дориларни жўнатдик ва етказиб беришни эълон қилишда давом этмоқдамиз. Бу тўғри мувофиқлаштирилмоқда", дейди Столтенберг. 

У Украина ҳар куни минглаб ўқ-дорилардан фойдаланиши кераклигини қўшимча қилган.

"Шунинг учун биз уларни яна ўтказишимиз керак. Иттифоқчилар айнан шундай қилмоқда: улар Украинага тобора кўпроқ ўқ-дорилар ва турли артиллерия тизимлари, зирҳли техникалар, танклар ва ҳаво ҳужумидан мудофаа тизимлари учун эҳтиёт қисмлар етказиб беришмоқда", дейди Столтенберг.

Эслатиб ўтамиз, аввалроқ Чехия Киевга жанговар вертолёт ва ўқ-дорилар беришини маълум қилгандик.