NASA олтин тўла астероидга ракета учирди (видео)

SpaceX ва NASA энг муҳим космик миссиялардан бирига старт берди. 13 октябрь куни Кеннеди космик марказида 10 квинтиллион долларлик Psyche-16 астероидига зонд олиб ўтадиган SpaceX Falcon Heavy ракетаси учирилди. Бу ҳақда "Чудо техники" нашри хабар берди.

Ушбу астероиднинг таркиби олимларда аллақачон қизиқиш уйғотганди. У тахминан 10 000 000 000 000 000 000 000 (10 квинтилион) АҚШ долларига тенг темир, никель ва олтинни ўз ичига олади, бу бутун жаҳон иқтисодиётидан ҳам қимматроқдир.

Олимларнинг фикрига кўра, Psyche-16 қадимги сайёра ядросининг бўлаги бўлиши мумкин. Миссия доирасида астероид батафсилроқ ўрганилади: олинган маълумотлар мутахассисларга космик жисмларнинг пайдо бўлиш тамойилларини яхшироқ тушунишга ёрдам беради.

Маълумот учун, Psyche-16 1852 йилда италян астрономи Аннибале де Гаспарис томонидан кашф этилган. У Марс ва Юпитер орасида, Ердан юзлаб миллион километр узоқликда жойлашган. Шу сабабли ушбу астероидга етиб бориш учун олти йил давомида тўхтовсиз учиш керак.

Эслатиб ўтамиз, NASA июль ойининг охирида қимматбаҳо металларга бой, деб тахмин қилинаётган Psyche-16 астероиди томон шу номдаги космик кемани учиришга ҳозирлик кўраётганини маълум қилганди.