МЮ сардори Роналду ҳақида гапирди

“Манчестер Юнайтед” ҳимоячиси Гарри Магуайр UEFA Чемпионлар лигаси гуруҳ босқичининг 5-турида “Вильярреал” устидан қозонилган ғалаба (2:0) ва Криштиану Роналду ҳақида фикр билдирди.

“Бу бизнинг мавсумдаги энг яхши ғалабамиз. Сўнгги бир неча ой давомида деярли муваффақиятли ўйин кўрсатмадик. Бироқ бизга натижа керак эди. Биринчи бўлимда қийин ўйин бўлди. Менимча, захира футболчилари ёрдам беришди, иккинчи тайм эса жуда зўр ўтди. Асосийси, сафар ўйинларида мустаҳкам ўйнаш керак. Яратилган вазиятлар билан ўйин сўнгида муносиб бўлган нарсамизга эришдик. Биринчи бўлимда бироз қўрқдик”, дейди Магуайр.

Шунингдек, МЮ сардори Роналдунинг ажойиб ўйини ва унинг жамоадаги ўрни ҳақида гапирди:  

“Роналду ажойиб ўйин кўрсатди. Биз ўз ўйинимизга ишончни қайтаришимиз керак, агар шундай қилсак, у билан бирга ғалаба қозониш учун барча имкониятларга эга бўламиз”.

Эслатиб ўттамиз, ушбу ғалаба эвазига “Манчестер Юнайтед” плей-офф йўлланмасини қўлга киритди. Гуруҳдаги қолган учта жамоа (“Аталанта”, “Вильярреал” ва “Янг Бойз”) иккинчи ўрин учун кураш олиб боради. ЕЧЛ 6-тур ўйинлари жорий йилнинг 7-8 декабрь кунлари ўтказилади.