Музокара ва кескин зарбалар: АҚШ яна ортдан пичоқ урди(ми?)

АҚШ Президенти Дональд Трамп Эрон расмийлари билан гўёки суҳбат ўтказганини ва улар ундан бомбардимонларни тўхтатишни сўраганини маълум қилди. Бу ҳақда Президентга таяниб, “Fox News” хабар берди.

Трампнинг айтишича, у Эроннинг “номаълум” расмийлари билан мулоқот қилган ва ушбу музокаралар натижасида АҚШ яқин вақт ичида Эронга қарши зарбаларни тўхтатиши мумкин.

Бироқ Эрон давлат телевидениеси бу маълумотни қатъий рад этган. Ҳукуматга яқин манбага таяниб, Теҳрон томони Трампнинг баёнотини “ёлғон” деб атаган ва “Эрон расмийлари АҚШ билан бундай алоқа қилмаган”лигини билдирган.

Аввалроқ, Трамп АҚШ Эрон билан ядровий ва минтақавий келишмовчиликлар бўйича музокараларда етарли силжиш бўлмагани учун ҳужумларни давом эттиришини айтган эди. Шундан кейин АҚШ Марказий қўмондонлиги Эронда янги зарбалар берилганини тасдиқлаган.

Трамп олдин ҳам аввал музокаралар ҳақида гапириб, кейин Эронни зарбалар ёмғири остида қолдирган эди.

Яқинда Дональд Трамп Исроил Бош вазири Биньямин Нетаньяху билан сўнгги 24 соат ичида бўлиб ўтган телефон суҳбатида уни Эронга қарши ҳарбий ҳаракатларни кенгайтирмасликка чақиргани ҳақида гапирганди. Трампнинг айтишича, агар Исроил ҳужумлари кенг кўламли урушга айланиб кетса, Тель-Авив Эронга қарши курашда ёлғиз қолади, аммо Трамп яна ўз сўзида турмади.

Вазият кескинлашиб бораётган бир пайтда Эрон ва АҚШ ўртасидаги ахборот уруши ҳам кучаймоқда – икки томон бир-бирининг баёнотларини кескин рад этиб келмоқда.

Эслатиб ўтамиз, АҚШ Қуролли кучлари кеча, 10 июнь куни кечқурун Эрондаги нишонларга қарши ҳужумларни қайта бошлаган эди. Ўз навбатида, Эрон ҳам Ҳормуз бўғозини яна қайтадан ёпиб қўйган.