Музлик даврида туғилган тирик ҳайвон топилди

Тинч океани тубида яшовчи умуртқасиз ҳайвонлардан бири камида 17 минг йил яшаган Ердаги энг қадимги тирик мавжудот сифатида рекорд ўрнатди. Бу ҳақда “Nation world news” нашри хабар берди. 

Маълумотларга кўра, ўртача умр кўриш бўйича рекорд эгалари пориферлар, бир неча минг йил яшайдиган денгиз ҳайвонларидир. Аммо турнинг бу вакили музлик давридан бери ҳаёт кечирмоқда. У Жанубий Хитой денгизи, Тинч океанининг минг метрдан чуқур жойидан топилган. Улар детрит, планктон, бактериялар, вируслар билан озиқланади. 

Лабораторияда ҳайвоннинг спикулалари кўндаланг кесим бўйича текширилди. Маълум бўлишича, бу организмлар карбонат ангидридни органик углеродга айлантиради. Бу цикл сайёрани хавф остида қолдираётган глобал исишни чеклашга ёрдам беради.

Эслатиб ўтамиз, Антарктида қирғоқлари яқинида тадқиқот ўтказаётган олимлар янги денгиз ости жонзотини қўлга олди. Ноодатий ҳайвоннинг 20 та “қўли” ва ўзига хос танаси мавжуд.