Мухолиф партия номзоди Жанубий Кореяга Президент этиб сайланди
Олам
−
10 Март 2022 10267
Корея Республикасида кеча, 9 март куни президентлик сайлови ўтказилди. Унда “Фуқаролик кучи” етакчи мухолифат партияси номзоди Юн Сок Ёль ғалаба қозонди. Бу ҳақда “Yonhap” агентлиги хабар берган.
Овозларнинг 98 фоизи ҳисоблаб чиқилган, бироқ Ёлнинг асосий рақиби, ҳукмрон демократик “Тобуро” партияси номзоди Ли Чжэ Мён мағлубиятини тан олган.
Жанубий Корея Марказий сайлов комиссияси маълумотларига кўра, сайловчиларнинг 48,5 фоизи Ёлга, 47,8 фоизи Мёнга овоз берган.
Корея Республикасининг амалдаги Президенти Мун Чжэ Ин бу лавозимга 2017 йилнинг май ойида сайланган. Мамлакатнинг 1987 йилда қабул қилинган конституциясига кўра, Президент тўғридан-тўғри умумий сайлов йўли билан 5 йил муддатга, қайта сайланиш ҳуқуқисиз сайланади.
Live
Барчаси
