Муфтий ҳам газ портлаган масжидга жўнаб кетди
Жамият
−
31 Март 25222
Бугун, 31 март куни тушдан кейин Андижон вилоятидаги масжидлардан бирида содир бўлган бахтсиз ҳодисадан сўнг Ўзбекистон мусулмонлари идораси раиси, муфтий Шайх Нуриддин Холиқназар ҳам воқеа жойига жўнаб кетди. Бу ҳақда Ўзбекистон мусулмонлари идораси матбуот хизмати хабар берди.
Маълумки, вилоятнинг Избоскан тумани “Аҳмадали ҳожи” жоме масжиди таҳоратхонасида ҳаво-газ аралашмасининг чақнаши оқибатида бинонинг том қисми қулаб тушган.
Дастлабки маълумотларга кўра, талафот оқибатида 3 нафар фуқаро ҳалок бўлган, 10 нафар фуқаро тан жароҳати олиб, шифохонага юборилган.
Эслатиб ўтамиз, олдинроқ ҳодиса содир бўлгани хабар қилинганида водийда бўлиб турган Бош вазир ўринбосари Очилбой Раматов ҳамда Фавқулодда вазиятлар вазири генерал-майор Ботир Қудратхўжаев Избоскан туманига етиб борганди. Ҳозирда мазкур ҳолат юзасидан дастлабки терговолди суриштирув ишлари олиб борилмоқда.
Live
БарчасиКошта Мирзиёевни Брюсселга таклиф қилди.
03 Апрель
