Москвада Ўзбекистон фуқароси танишини пичоқлади
Олам
−
11 Декабрь 2023 8754
Москвадаги савдо марказида Ўзбекистон фуқароси келишмовчилик туфайли танишини пичоқлади. Бу ҳақда Россия ИИВнинг Москва шаҳри бўйича Тергов Бош бошқармаси хабар берди.
Маълумотларга кўра, 10 декабр куни Ўзбекистон фуқароси Москва шаҳри шимоли-ғарбидаги савдо-кўнгилочар марказларидан бирида ўзаро жанжал ортидан танишининг қорин қисмига пичоқ билан жароҳат етказган.
Жабрланувчи Москвадаги шифохоналарнинг бирига етказилиб, унга тиббий ёрдам кўрсатилган.
Жиноят содир этишда гумон қилиниб, Ўзбекистон Республикасида туғилган икки нафар фуқаро қўлга олинган. Пойтахт Тергов қўмитаси терговчилари воқеа жойини кўздан кечириб, қатор суд-тиббий экспертизаларни тайинлаган.
Тушино туманлараро тергов бўлими гумонланувчиларга нисбатан РФ ЖКнинг 30-моддаси 1-қисми ва 105-моддаси 1-қисмида назарда тутилган жиноят (қотилликка уриниш) юзасидан жиноий иш очган.
