Москвада чеченистонлик эркак қирғизистонлик таксичини ўққа тутди (видео)

Россия пойтахти Москвада чеченистонлик эркак қирғизистонлик такси ҳайдовчисига қарата ўқ узди. Бу ҳақда “Аргументы и факти” хабар берди.

Ушбу ҳодиса аск этган жараён видеорегистраторга ёзиб олинган. Такси ҳайдовчиси машинани бошқариб кетаётиб, тамаки чекаётган бўлган. Чеченистонлик ҳайдовчи Geely автомобилида кетаётиб, таксичи унинг йўлини кесиб ўтди, деб ўйлаган. У дарҳол таксига яқинлашиб, ҳайдовчини гаплашишга чақирган. Машина ойнасидан чиқиб, таксичига нисбатан ҳақоратли сўзлар ишлатган.

“Эшитаяпсанми? Тинчлан. Бемаънилик қилма”, деб жавоб қилган таксичи.

Бу сўзлардан сўнг, чеченистонлик ҳайдовчи Қирғизистон фуқаросига бир неча бор ўқ узган.

Москванинг Басманний туманидаги Россия Ички ишлар вазирлигининг патруль-пост хизмати ходимлари 39 ёшли шахсни қўлга олган. Унинг ёнидан рухсатномага эга травматик тўппонча мусодара қилинган.

“Мазкур жиноятда жабрланган 1998 йилда туғилган фуқаро тез ёрдам бригадаси томонидан шифохонага етказилди”, дейилади Москва Ички ишлар бош бошқармаси хабарида.

Эслатиб ўтамиз, аввалроқ Москвада икки қирғизистонлик эркак катта миқдорда пул ундириш мақсадида ўғирлаб кетилган эди. Ўғирланганлардан бири ёлғиз қолганида, ёрдам сўраб хат ёзган ва хатни деразадан улоқтирган. Шундан сўнг квартирага полиция отряди етиб келган. Уч фуқаро қўлга олинган.