Монакодаги портлашда гумонланган аёл Киев яқинида отиб ўлдирилди
Олам
−
07 июл 6525 2 дақиқа
Монакода ўтган ҳафта украиналик тадбиркорга уюштирилган портлашда гумон қилинган украиналик аёлнинг жасади Украина пойтахти Киев яқинидан топилди. Бу ҳақда бугун, 7 июль куни “Украинская Правда” хабар берди.
Нашр маълумотига кўра, аёл ўқотар қурол билан отиб ўлдирилиб, унинг жасади 6 июль куни маҳаллий вақт билан соат 23:00 атрофида топилган. 39 ёшли Анастасия Березовская Интерполнинг қизил билдиришномасида асосий гумондор сифатида кўрсатилган. Унда Березовская Украина фуқароси экани, немис тилида сўзлашиши ҳамда Монако ҳукумати томонидан қасддан одам ўлдиришга уриниш, жамоат жойига портловчи мослама жойлаштириш ва жиноий тил бириктириш айбловлари билан қидирувга берилгани қайд этилган.
Монако Бош прокурори ўринбосари ўтган ҳафта ҳужумни амалга оширган шахс воқеадан сўнг пиёда Францияга ўтганини, кейин эса автомобилда Италия орқали Германияга қочиб кетганини маълум қилган эди.
Манбаларга кўра, портлаш оқибатида асли Украинада туғилган тадбиркор Вадим Ермолаев, унинг турмуш ўртоғи ва ўғли жароҳат олган.
Нашр яна бир ҳуқуқни муҳофаза қилувчи орган манбасига таяниб, ушбу иш юзасидан аллақачон икки нафар гумондор қўлга олинганини хабар қилган. Уларнинг бири Украина Мудофаа вазирлиги Бош разведка бошқармаси (ҲУР) ходими, иккинчиси эса собиқ ҳуқуқни муҳофаза қилувчи орган ходими экани айтилмоқда.
Маълумот учун, Вадим Ермолаев 2019 йилда Кипр фуқаролигини олган. У 2023 йилда Украина санкциялари рўйхатига киритилган бўлиб, Украина ОАВлари бунинг сабаби сифатида Россия назоратидаги Қрим ҳудудида бизнес юритгани кўрсатилганини ёзган.
Эслатиб ўтамиз, аввалроқ Монакодаги тураржой биноларидан бирининг кириш қисмида содир бўлган портлаш оқибатида украиналик олигарх Вадим Ермолаев ва унинг яқинлари жабрлангани ҳақида хабар берилган эди. Мазкур ҳолат бўйича терговчилар ҳужум ортида Украина Хавфсизлик хизмати туриши мумкинлиги ҳақидаги эҳтимолни ҳам кўриб чиқаётгани айтилганди.
Нашр маълумотига кўра, аёл ўқотар қурол билан отиб ўлдирилиб, унинг жасади 6 июль куни маҳаллий вақт билан соат 23:00 атрофида топилган. 39 ёшли Анастасия Березовская Интерполнинг қизил билдиришномасида асосий гумондор сифатида кўрсатилган. Унда Березовская Украина фуқароси экани, немис тилида сўзлашиши ҳамда Монако ҳукумати томонидан қасддан одам ўлдиришга уриниш, жамоат жойига портловчи мослама жойлаштириш ва жиноий тил бириктириш айбловлари билан қидирувга берилгани қайд этилган.
Монако Бош прокурори ўринбосари ўтган ҳафта ҳужумни амалга оширган шахс воқеадан сўнг пиёда Францияга ўтганини, кейин эса автомобилда Италия орқали Германияга қочиб кетганини маълум қилган эди.
Манбаларга кўра, портлаш оқибатида асли Украинада туғилган тадбиркор Вадим Ермолаев, унинг турмуш ўртоғи ва ўғли жароҳат олган.
Нашр яна бир ҳуқуқни муҳофаза қилувчи орган манбасига таяниб, ушбу иш юзасидан аллақачон икки нафар гумондор қўлга олинганини хабар қилган. Уларнинг бири Украина Мудофаа вазирлиги Бош разведка бошқармаси (ҲУР) ходими, иккинчиси эса собиқ ҳуқуқни муҳофаза қилувчи орган ходими экани айтилмоқда.
Маълумот учун, Вадим Ермолаев 2019 йилда Кипр фуқаролигини олган. У 2023 йилда Украина санкциялари рўйхатига киритилган бўлиб, Украина ОАВлари бунинг сабаби сифатида Россия назоратидаги Қрим ҳудудида бизнес юритгани кўрсатилганини ёзган.
Эслатиб ўтамиз, аввалроқ Монакодаги тураржой биноларидан бирининг кириш қисмида содир бўлган портлаш оқибатида украиналик олигарх Вадим Ермолаев ва унинг яқинлари жабрлангани ҳақида хабар берилган эди. Мазкур ҳолат бўйича терговчилар ҳужум ортида Украина Хавфсизлик хизмати туриши мумкинлиги ҳақидаги эҳтимолни ҳам кўриб чиқаётгани айтилганди.
Live
Барчаси
