Modrich “Real”dagi kelajagi borasida bir qarorga keldi
Sport
−
24 fevral 4449 1 daqiqa
Madridning “Real” klubi yarim himoyachisi Luka Modrich joriy mavsum yakunlanganidan keyin ham jamoada o‘ynashni davom ettirish niyatida. Bu haqda “Relevo” xabar berdi.
Manbaga ko‘ra, xorvatiyalik futbolchi “qaymoqranglilar” bilan shartnomasini yana bir yilga uzaytirmoqchi. 39 yoshli futbolchi “qirollik klubi” rahbariyatidan taklif kutmoqda. Modrichning “Real” bilan amaldagi shartnomasi 2025 yilning yoziga qadar amal qiladi.
Qayd etish joiz, Modrich 23 fevral kuni La Liganing navbatdagi turi doirasida “Jirona”ga qarshi bahsda uzoq masofadan chiroyli gol urib, jamoasining g‘alabasiga hissa qo‘shdi.
Ma’lumot uchun, Modrich Madrid klubi tarkibida 2012 yildan beri o‘ynab kelmoqda. Bu davrda u barcha turnirlarda 574 ta uchrashuvda ishtirok etib, 42 ta gol urdi va 92 ta golli uzatmani amalga oshirdi.
Live
Barchasi
