Мирзиёевнинг Россияга ташрифи якунланди

Ўзбекистон Республикаси Президенти Шавкат Мирзиёевнинг Санкт-Петербург шаҳрига ташрифи доирасидаги тадбирлар якунланди. Бу ҳақда Президент матбуот хизмати хабар берди.

Бугун, 26 декабрь куни Шавкат Мирзиёев Олий Евросиё иқтисодий кенгашининг навбатдаги йиғилишида нутқ сўзлади.

Кеча, 25 декабрь куни Ўзбекистон етакчиси Мустақил Давлатлар Ҳамдўстлигига аъзо давлатлар раҳбарларининг норасмий саммитида иштирок этди.

Давлат раҳбари амалий ташрифини якунлаб, "Пулково" халқаро аэропортидан Тошкентга жўнаб кетди. Олий мартабали меҳмонни Санкт-Петербург шаҳри губернатори Александр Беглов ва бошқа расмий шахслар кузатиб қўйди.

Эслатиб ўтамиз, Олий Евросиё иқтисодий кенгашининг навбатдаги йиғилишида кузатувчи мақомида иштирок этган Мирзиёев сайёҳлик алмашинувларини рағбатлантириш мақсадида ЕОИИ давлатлари фуқароларига Ўзбекистонга ички ҳужжатлар билан кириш имконини берувчи тартибни жорий этишга тайёрлигини билдирганди.