Мирзиёевга Трампдан ҳам табрик келди

Америка Қўшма Штатлари Президенти Дональд Трамп Ўзбекистон Президенти Шавкат Мирзиёевни Наврўз байрами билан табриклади. Бу ҳақда Президент матбуот хизмати хабар берди.

“Муҳтарам Президент жаноблари! Америка Қўшма Штатлари халқи номидан Сизни ва бутун Ўзбекистон халқини ажойиб Наврўз айёми билан табриклайман. Бу барча учун тинчлик, фаровонлик ва янгиланиш байрамидир”, дейилади хабарда.

Трапм ўз табригида мамлакатлар ўртасида мустаҳкам ришталар ўрнатилаётганини юксак қадрлашини ва Мирзиёевнинг изчил ислоҳотлар дастурини олқишлашини билдирган. 

“Савдо алоқаларимизни кенгайтириш ва замонамизнинг энг йирик муаммоларини ҳал этиш йўлида ҳамкорлик қилишни интиқлик билан кутаман. Буюк давлатларимиз равнақ сари интилаётган бир пайтда, Америка Қўшма Штатлари Ўзбекистоннинг суверенитети, мустақиллиги ва ҳудудий яхлитлигини доимо қўллаб-қувватлашга содиқ бўлиб қолади. Наврўз муборак!”, дейилади табрикда.

Эслатиб ўтамиз, аввалроқ Россия Президенти Владимир Путин ҳам Шавкат Мирзиёевга Наврўз байрами муносабати билан табрик йўллаган эди.