Мирзиёевга Путиннинг ўзи шофёрлик қилди (видео)
Олам
−
07 Октябрь 2023 34685
Россия Президенти Владимир Путин ўзбекистонлик мавқедоши Шавкат Мирзиёев билан Россиянинг миллий автомобили Aurus’га чиқди. Бу ҳақда РИА Новости хабар берди.
Журналистлар томонидан чоп этилган кадрларда Путин машинанинг рўлида ўтиргани, Мирзиёев эса унинг ёнидан жой олганини кўриш мумкин. Баъзи хориж нашрлари Владимир Путин туғилган кунида Ўзбекистон Президенти билан сайр қилишга қарор қилгани ҳақида ёзган.
Маълумот учун, Шавкат Мирзиёев Путин таклифига биноан 5 октябрь куни расмий ташриф билан Россияга борган ва у мамлакатда 7 октябргача қолишни режалаштирмоқда. Москвада икки давлат раҳбарининг музокаралари бўлиб ўтди. Бундан ташқари, Ўзбекистон раҳбари Бош вазир Михаил Мишустин билан учрашди, шунингдек, Татаристонда Миннихонов билан музокаралар ўтказди.
Эслатиб ўтамиз, ўтган ойда Шимолий Корея етакчиси Ким Чен Ин Россияга келганида ҳам Путин унга Aurus автомобилини кўрсатганди.
