Мирзиёев, Алиев ва “Арқадағ” қўшма баёнот қабул қилди

Бугун, 22 август куни Туркманистондаги “Аваза” миллий туризм зонасида Президент Шавкат Мирзиёев, Туркман халқининг миллий етакчиси, Халқ Маслаҳати Раиси Гурбангули Бердимуҳамедов ва Озарбайжон Президенти Илҳом Алиевнинг уч томонлама учрашув бўлиб ўтди. Музокаралар якунида мамлакат етакчилари қўшма баёнот қабул қилди. Бу ҳақда Ўзбекистон Президентининг матбуот хизмати хабар берди.

Етакчилар ҳузурида транспорт ва логистика, кемасозлик ва фуқаро авиацияси соҳаларида ҳамкорлик тўғрисида меморандумлар, товар-хомашё биржалари ўртасида ҳамкорлик тўғрисида битим ва бошқа ҳужжатлар имзоланган.

Эслатиб ўтамиз, аввалроқ Ўзбекистон Республикаси Президенти Шавкат Мирзиёев Туркманистонга етиб борганди. Туркманбоши шаҳри аэропортида давлат раҳбарини Туркманистон Вазирлар Маҳкамаси Раисининг ўринбосари Нокергули Атагулиев ва бошқа расмий шахслар кутиб олганди. Шундан сўнг, Туркманистоннинг “Аваза” миллий туризм зонасининг Конгресс марказида Шавкат Мирзиёев ва Туркман халқининг миллий етакчиси, Туркманистон Халқ Маслаҳати Раиси Гурбангули Бердимуҳамедовнинг юзма-юз ва расмий делегациялар иштирокидаги музокаралари бўлиб ўтганди.