Милей АҚШ, Россия ва Хитойни янги дунёнинг етакчилари деб атади

Иккинчи жаҳон урушидан кейин шаклланган дунё тартиби қайта қурила бошлади. Европа энди етакчиликка даъво қила олмайди. Бу ҳақда Аргентина Президенти Хавьер Милей “Urgente24” радиосига берган интервьюсида сўз очди.

Президентнинг фикрича, Европа кўп йиллардан бери ўсмаяпти.

“Қўшма Штатлар бутун Америка ва Европа тепасида бўлади. Евросиёни Россия бошқаради, аммо Осиёнинг қолган қисмини Хитой бошқаради”, деган давлат раҳбари.

Милейнинг фикрича, Лотин Америкаси АҚШ таъсир орбитасига киради. Аргентина, Президентнинг сўзларига кўра, ҳозирда Вашингтоннинг ғарбий ярим шардаги асосий ҳамкори ҳисобланади.

“Биз тўғри вақтда тўғри жойда турибмиз”, дея қўшимча қилган Милей.

Эслатиб ўтамиз, аввалроқ Хавьер Милей ташкилотнинг COVID-19 пандемиясига қарши курашдаги усулларидан норозилигини билдириб, Ташқи ишлар вазири Херардо Херардо Вертейнуга мамлакатни Жаҳон Соғлиқни Сақлаш Ташкилотидан (ЖССТ) чиқариш бўйича топшириқ берган эди. Президент матбуот котиби Мануэль Адорни пандемия давомида ЖССТ томонидан амалга оширилган тадбирлар ва илгари ташкилотга президент бўлган Альберто Фернандес томонидан қабул қилинган қарорлар “Аргентина учун инсоният тарихидаги энг узоқ муддатли карантин”га олиб келганини ва мамлакатни “муайян давлатларнинг сиёсий таъсири остида бўлишига” сабабчи бўлганини таъкидлаган.