“Милан”га Мессини олиб келмоқчи бўлгандим – Мальдини 

Италиянинг “Милан” клуби собиқ техник директори Паоло Мальдини 2020 йилда “россонерилар” сафига аргентиналик тўп устаси Лионель Мессини олиб келишга ҳаракат қилганини маълум қилди.

“Месси “Интер”га ўтиши мумкинлигини ўқиганимда, жаҳлим чиқди. 10 кун давомида уни “Милан”га олиб келишга ҳаракат қилдим, лекин кейин бунинг иложи йўқлигини англадик. Менимча, у каби футболчи ҳар доим мухлислар учун қизиқ. Меcси ҳар доим мухлисларни қойил қолдирадиган ишларни қилишга қодир”, дейди Мальдини.

Таъкидлаш жоиз, аргентиналик футболчининг “Интер”га ўтиши якунда амалга ошмади. Бир йил ўтгач, Аргентина терма жамоаси сардори эркин агент сифатида “Пари Сен-Жермен”га ўтди ва икки мавсумни Париж жамоасида ўтказди. Ўтган ёзда у АҚШга кўчиб ўтди ва ҳозирда “Интер Майами”да тўп тепмоқда.

Маълумот учун, Паоло Мальдини 2018 йилдан “қизил-қоралар” жамоасида техник директор бўлиб фаолият юритаётганди. Мальдини 2023 йилнинг июнь ойида Миланнинг янги эгаси Жерри Кардинале келиша олмай, ишдан бўшатилди.