“Металлург” клуби 2025 йил Суперлигада иштирок этмайди

Бекободнинг “Металлург” клуби янги мавсумда Суперлигада иштирок этмайдиган бўлди. Бу ҳақда Ўзбекистон профессионал футбол лигаси ахборот хизмати хабар берди.

Манбага кўра, аввалроқ лига “Металлург” ПФК МЧЖ устав капиталининг 100 фоиз улушига эгалик қилувчи “Ўзметкомбинат” АЖга мурожаат қилиб, 24 декабрь санасига қадар клубнинг Суперлигадаги келгуси тақдирига ойдинлик киритишни сўраган. 

Кеча, 20 декабрь куни “Ўзметкомбинат” АЖ Лига сўровига жавоб қайтарди ҳамда “Металлург” клубининг Суперлигада иштирок этмаслигини маълум қилди. Жавоб хатида ташкилотнинг клубга ҳомийлик маблағи ажратиши тўхтатилгани ва бунинг сабаблари батафсил тушунтирилган. 

“Металлург” Суперлигадаги келгуси тақдирига 24 декабрга қадар ойдинлик киритиши лозим. Мазкур мавзунинг давоми лига ҳамда ассоциация ўртасидаги учрашувдан сўнг расмий сайтимизда эълон қилинади”, дейилади хабарда. 

Маълумот ўрнида, бекободликлар 9 декабрь куни Суперлига ўтиш ўйинида “Олимпик”ни 2:1 ҳисобида мағлуб этиб, элит лигада қолиш масаласини ҳал қилганди.