Мессининг трансфер нархи пасайди

Transfermarkt портали MLS футболчиларнинг бозор қийматларини янгилади. Унга кўра, Аргентина миллий терма жамоаси ва “Интер Майами” клуби футболчиси Лионель Мессининг бозор қиймати 3 миллион еврога пастлади.

Ихтисослаштирилган футбол сайти футболчиларнинг бозор қийматини янгилаганидан сўнг, “Лос-Анджелес Гэлакси” футболчиси Пуч Рикининг нархи 18 миллион евро дея баҳоланди ва бу кўрсаткич билан испаниялик футболчи лиганинг энг қиммат футболчисига бўлиб турибди. Иккинчи ўринда 17 миллион евро билан “Лос-Анджелес” футболчиси Сон Хён Мин турибди. Аргентина терма жамоаси сардори Мессининг бозор нархи эса 15 миллион евро билан бу рўйхатда 5-поғонани эгаллаб турибди.  

Transfermarktга кўра, ҳозирда “Интер Майами” жамоасининг бозор қиймати 72,68 миллион евро билан  MLS’нинг энг қиммат жамоаси бўлиб турибди.

Эслатиб ўтамиз, аввалроқ Transfermarkt портали Эрон Про лигаси футболчиларнинг бозор қийматларини янгилагандан сўнг Ўзбекистон миллий терма жамоаси ва “Персеполис” клуби футболчиси Остон Ўрунов Эрон чемпионатининг энг қиммат футболчисига айланган эди.