Месси фильм рекламасида роль ўйнади (видео)
Спорт
−
28 Май 2995
Майамининг “Интер” клуби футболчиси Лионель Месси Голливуднинг “Bad Boys 4” фильмининг реклама ролигида суратга тушди. Бу ҳақда бизнесмен Франк Ҳолид ўз Х саҳифасида маълум қилди.
Видеода Месси билан бирга фильмнинг актёрлари Уилл Смит ва Мартин Лоуренс ҳам суратга тушган.
Бир неча сония давом этадиган лавҳада Месси тўпга яқинлашади ва уни тўғридан тўғри уларни суратга олаётган камеранинг объективига тепади.
Америкага келганидан буён Месси бир нечта реклама роликларида кўриниш бериб улгурди. Жумладан, у “Michelob Ultra” компаниясининг рекламасида ҳам кўриниш берганди.
Жорий мавсумда Месси “Интер Майами” сафида барча турнирларда 13 та ўйинда майдонга тушиб, 12 та гол урди ва 11 та голли узатмани амалга оширди.
