Месси фаолиятидаги еттинчи “Олтин тўп”ни қўлга киритди
Спорт
−
30 Ноябрь 2021 6500
ПСЖ ва Аргентина терма жамоаси ҳужумчиси Лионель Месси 2021 йилда “Олтин тўп”ни қўлга киритди. Шу тариқа унинг карьераси давомида қўлга киритган “Олтин тўп”лари еттига етди.
“Олтин тўп” учун овоз бериш натижасига кўра, Лионель Месси 613 балл тўплади. 2-ўринни 580 балл тўплаган “Бавария” форварди Роберт Левандовски эгаллаган. Орадаги фарқ – 33 балл.
Аввалроқ аргентиналик футболчи 2009, 2010, 2011, 2012, 2015 ва 2019 йилларда “Олтин тўп”га сазовор бўлган. Аргентиналик бу кўрсаткич бўйича биринчи ўринда. Иккинчи ўринда “Манчестер Юнайтед” ва Португалия терма жамоаси ҳужумчиси Криштиану Роналду. У бешта совринга эга.
34 ёшли форвард ўн карра Испания чемпиони, етти карра мамлакат кубоги соҳиби ва саккиз карра Испания Суперкубоги соҳиби. У тўрт марта Чемпионлар лигаси, UEFA Суперкубоги ва уч марта клублар ўртасидаги жаҳон чемпионатида ғолиб чиққан.
Live
Барчаси07 Ноябрь 2023
07 Ноябрь 2023
07 Ноябрь 2023
07 Ноябрь 2023
