Месси аэропортда кучайтирилган текширувдан ўтди (видео)
Спорт
−
02 июл 2076 1 дақиқа
Аргентина терма жамоаси футболчилари, жумладан, жамоа сардори Лионель Месси Жаҳон чемпионати 1/16 финал баҳси учун парвоз олдидан аэропортда кучайтирилган хавфсизлик текширувидан ўтди. Бу ҳақда журналист Жош Чавис маълум қилди.
Хабарга кўра, хавфсизлик чоралари кучайтирилганига қарамай, аргентиналик футболчиларнинг кайфияти юқори бўлган. Улар металл детектор орқали кулган ҳолда ўтиб, яхши кайфиятда экани билан эътиборни тортган.
Аргентина терма жамоаси Жаҳон чемпионати 1/16 финалида жорий йилнинг 4 июль куни Майами шаҳрида Кабо-Верде терма жамоасига қарши майдонга тушади.
Маълумот учун, Аргентина терма жамоаси амалдаги жаҳон чемпиони ҳисобланади.
Эслатиб ўтамиз, аввалроқ Ўзбекистон миллий терма жамоаси ҳам Жаҳон чемпионати олдидан кучли хавфлик текширувидан ўтган эди. Шундан сўнг Португалия терма жамоаси ҳам кучли текширувдан ўтказилган.
Live
Барчаси
