Ўзбекистонга қарши ўйиндан сўнг Роналду аэропортда жиддий текширилди (видео)

Португалия терма жамоаси сардори Криштиану Роналду 2026 йилги Жаҳон чемпионати гуруҳ босқичи доирасидаги Ўзбекистонга қарши ўйиндан сўнг Хьюстон аэропортида жиддий хавфсизлик текширувидан ўтди.

Хавфсизлик хизмати ходимлари Роналдудан текширув учун сумкасини олиб қўйишни сўра. Бу 41 ёшли ҳужумчини ҳайратга солган. У ҳазил тариқасида қимматбаҳо кўзойнагини ҳам ечиши керакми, дея ишора қилган. Шунга қарамай, хавфсизлик ходимлари текширувни давом эттирган.

Португалия терма жамоаси Ўзбекистон билан учрашувдан сўнг жорий йилнинг 28 июнь куни Колумбияга қарши бўладиган учрашув учун Майами шаҳрига йўл олди.

Маълумот учун, Португалия миллий жамоаси айни пайтда “К” гуруҳида 4 очко билан иккинчи ўринда бормоқда. Пешқадам Колумбия ҳисобида эса 6 очко бор. Гуруҳ босқичининг иккинчи турида Португалия Ўзбекистонни 5:0 ҳисобида мағлуб этган эди. Ўша учрашувда Роналду дубль қайд этди. Шу тариқа у Жаҳон чемпионатларида Португалия терма жамоаси сафида 10 та гол уриб, Эйсебиунинг 9 голлик рекордини ортда қолдирди.