Мексикалик боксчилар ноқулай рақиб бўлади – Иқболжон Холдоров
Спорт
−
19 Апрель 2023 5609
Ўзбекистонлик профессионал боксчи Иқболжон Холдоров Ўзбекистонга қайтгач, QALAMPIR.UZ'га мексикалик Элеазар Валензуэлага қарши жанг таассуротларини маълум қилди.
Холдоров 16 апрель куни Мексикада фаолиятидаги 5-жангида ғалабага эришди. У рақибини илк раунддаёқ нокаутга учратди.
“Осон жанг бўлмайди деб ўйлагандим. Мексикалик боксчиларнинг ўзига хос услуби бор. Кўпчилик мексикалик боксчилар ноқулай рақиб бўлади. Валензуэла ҳеч бўлмаганда 4-5 раунд муносиб қаршилик кўрсатишини кутгандик. Боксда ҳам ҳар хил ҳолат кузатилиши мумкин. Битта зарба жанг тақдирини ҳал қиладиган ҳолатлар ҳам кўп бўлади. Ҳаммасини инобатга олиб рингга чиқдим, бироқ осон жанг бўлишини кутмагандим”, дейди Холдоров.
Холдоров Валензуэлагача бўлган 4 та жангида ҳам ғалабага эришган. Иқболжон мағлубиятга учратган Валензуэла эса профбоксдаги 26-мағлубиятини қабул қилиб олди.
Live
Барчаси
