Мбаппе ва Беллингем Испанияни тарк этди

“Реал Мадрид”нинг франциялик ҳужумчиси Килиан Мбаппе ва англиялик ярим ҳимоячиси Жуд Беллингем соғлиғи билан боғлиқ муаммоларни ҳал қилиш Испанияни тарк этди. Бу ҳақда AS нашри хабар берди.

Манбага кўра, “Реал Мадрид” Мбаппени қўшимча текширув учун Парижга, Беллингемни эса Лондонга юборган. Аввалроқ франциялик футболчи 2026 йилги Жаҳон чемпионатида иштирок этишни режалаштиргани боис, Мбаппенинг тиззасидаги муаммоларни жарроҳлик йўли билан эмас, балки консерватив даволаш орқали ҳал қилиш кўзда тутилгани хабар қилинган эди. Беллингемнинг эса апрель ойида майдонга қайтиши кутилмоқда.

“Реал Мадрид” футболчиларнинг тўлиқ тикланишига етарли вақт бермаса, бу уларнинг жисмоний ҳолатига салбий таъсир кўрсатиши мумкин. Шу сабабли Мбаппе ва Беллингем ҳам ҳеч қандай таваккал қилишни истамаяпти ва тикланиш жараёнини шошилтирмаслик тарафдори.

Маълумот учун, Ла Лига 26-туридан сўнг, “Реал Мадрид” 60 очко тўплаб, пешқадам “Барcелона”дан тўрт очко ортда қолмоқда.