Мбаппе Роналдунинг “Реал”даги рекордини такрорлади

Спорт

−

20 Февраль visibility5339

“Реал” ҳужумчиси Килиан Мбаппе “қаймоқранглилар” сафидаги дебют мавсумида Европа Чемпионлар лигасида урилган голлар бўйича Роналдунинг рекордини такрорлади. Бу ҳақда “Opta” хабар берди.

Франциялик форвард шу кунгача еттита гол урди, бу борада Мбаппе Криштиану Роналдунинг 2009/2010 йилги мавсумида ва Хусто Техаданинг 1961/1962 йилги мавсумида натижаларини такрорлади.

Европа Чемпионлар лигаси плей-офф босқичининг жавоб ўйинида “Манчестер Сити”га қарши ўйинда Мбаппе хет-трик қайд этди. “Қаймоқранглилар” 3:1 ҳисобида ғалаба қозониб, турнирнинг 1/8 финалига йўл олди.

Килиан Мбаппе ўтган ёздан бери “Реал”да ўйнамоқда. Франциялик ҳужумчи “Реал”гача ПСЖ ва “Монако” клубларида тўп сурган.

Эслатиб ўтамиз, аввалроқ Мбаппе “Реал”-“Ман Сити” ўйинининг энг яхши футболчиси деб топилганди.

Мақола муаллифи