Мбаппе клублар ўртасидаги ЖЧ финалида ўйнайдими?

Мадриднинг “Реал” клуби ҳужумчиси Килиан Мбаппе Европа Чемпионлар лигаси умумий босқичининг 6-турида Италиянинг “Аталанта” клубига қарши ўйинда (3:2) олган жароҳатидан сўнг яна машғулотларга қайтди. Бу ҳақда журналист Фабрицио Романо Х саҳифасида маълум қилди.

Манбага кўра, форвард бўлажак ўйинларда майдонга тушиш учун фаол ҳаракат қилмоқда. Мбаппе қироллик клубининг қитъалараро кубок финали учун қайдномасига ҳам киритилди, бироқ унинг финалда асосий таркибда ёки захирадан майдонга тушиши аниқ эмас.

Қайд этиш жоиз, франциялик футболчи Чемпионлар лигаси умумий босқичининг 6-туридан ўрин олган Италиянинг “Аталанта” клубига қарши ўйинда (3:2) жароҳат олганди. Франциялик футболчи ўйиннинг 36-дақиқасида алмаштирилди. Жорий мавсумда Мбаппе барча турнирларда 21 та учрашувда қатнашиб, 11 та гол урди ва 2 та голли узатмани амалга оширди.

“Реал” 18 декабрь куни Доҳада 2024 йилги қитъалараро кубокнинг финал ўйинида Мексиканинг “Пачука” жамоаси билан ўйнайди. Ўйин Тошкент вақти билан 22:00 да бошланади.