Мбаппе Франция чемпионатининг лидерига айланмоқда
Спорт
−
22 Апрель 2023 3057
ПСЖ ҳужумчиси Килиан Мбаппе Франция чемпионатининг 32-туридан ўрин олган “Анже”га қарши ўйинда (2:1) 2 та гол урди ва Лига 1 тўпурарлари пойгасининг яққол пешқадамига айланди.
Мбаппе Франция чемпионатининг жорий мавсумида 22 та гол урди ва 5 та голли узатмани амалга оширди. Тўпурарлар рўйхатида 2-ўринда “Лилль” ҳужумчиси Жонатан Девид бормоқда. Унинг ҳисобида 20 гол ва 4 голли узатма мавжуд.
Кечаги ўйин олдидан Мбаппе ва Давид жорий мавсумда 20 та гол уриб, турнир тўпурарлари рўйхатида қўшҳокимлик қилаётганди.
Мбаппе чемпионат тўпурарлигида етакчи бўлишдан ташқари яна бир индивидуал муваффақиятга эришди — ҳужумчи чемпионатда 214 та фойдали ҳаракат қайд этди (157 та гол ва 57 та голли узатма). Бу бўйича Килиан Димитрий Пайетга тегишли бўлган Франция чемпионатининг XXI асрдаги рекордини такрорлади.
Live
Барчаси