Мбаппе аллақачон “Реал” билан шартнома имзолагани маълум бўлди

Спорт

image

ПСЖ ҳужумчиси Килиан Мбаппенинг “Реал Мадрид”га ўтиши деярли ҳал қилинди.

Журналист-инсайдер Жанлука Ди Марционинг ёзишича, франциялик футболчининг аллақачон Мадрид клуби билан шартномаси мавжуд ва қишки трансферлар ойнаси ёпилгунига қадар уни имзолаши мумкин.

Қайд этилишича, Килиан якуний қарорни қабул қилиб бўлган ва катта сюрпризгина уни фикридан қайтариши мумкин. Мбаппенинг парижликлар билан тузган шартномаси жорий мавсум охиригача амал қилади. Шу тариқа, у эркин агент сифатида “Қироллик клуби” сафига келиб қўшилади.

Эслатиб ўтамиз, 22 ёшли Килиан Мбаппе учун “Барселона” 90 миллион евролик шартнома бонусини таклиф қилмоқчи экани ҳақида хабар берган эдик. Каталония клуби ёзги трансфер ойнаси очилгунига қадар молиявий ҳолатини тиклаб олиши мумкин.

Жамоа раҳбарларининг фикрича, “Реал” Килиан учун имзо бонуси сифатида 50 миллион евро таклиф қилиши мумкин, холос. Бундан ташқари, Мадрид клуби унга 17 миллион евродан кўпроқ маош тўлай олмайди. Куман мураббийлигидаги жамоа эса Мбаппега “қаймоқранглилар”дан кўра, юқорироқ маош таклиф қилмоқчи бўлганди.


Мақола муаллифи

Теглар

Барселона Реал ПСЖ Мбаппе Ла лига Трансфер Лига 1

Баҳолаганлар

256

Рейтинг

2.9

Мақолага баҳо беринг

Дўстларингиз билан улашинг