Mask taslim bo‘lmoqchi emas. U yangi Starship raketasining parvoz vaqtini aytdi
Olam
−
22 aprel 2023 5176
Amerikaning SpaceX ayerokosmik kompaniyasi 1-2 oy ichida Starship kosmik kemasining yangi o‘ta og‘ir prototipini uchirishga tayyor bo‘ladi, Bu haqda kompaniya asoschisi va rahbari Ilon Mask Twitter’da ma’lum qildi.
Mask ijtimoiy tarmoq foydalanuvchilarining ishga tushirish maydonchasini ta’mirlashiga olti oygacha vaqt ketishi mumkinligi haqidagi gap-so‘zlariga izoh bergan.
“Biz 1-2 oy ichida qayta ishga tushirishga tayyor bo‘lamiz”, deydi u.
Qayta foydalanish mumkin bo‘lgan raketa tizimi Ship 24 kosmik kemasi va Super Heavy tashuvchisidan iborat. Uning balandligi 120 metrga yetadi. U dunyoda yaratilgan boshqa raketalardan balandroq hisoblanadi. Super Heavy tashuvchisi NASAning Oyga boshqariladigan parvozlar uchun yaratilayotgan Spacye Launch System (SLS) raketasidan ikki baravar og‘irroq.
Eslatib o‘tamiz, shu yilning 20 aprel kuni SpaceX kompaniyasiga tegishli Starship raketasining parvozi muvaffaqaiyatsizlikka uchrab, u portlab ketgandi. Shundan so‘ng, Ilon Mask bir kechada 12,6 milliard dollar yo‘qotgani ma’lum bo‘ldi.
Live
Barchasi
