Марказий осиёлик спортчининг олтин медали пойабзал сабаб бекор қилинди

Қозоғистонлик енгил атлетикачи Ясмина Тўқсонбоеванинг 2026 йилги Осиё ўйинларида 42,195 километрлик спортча юриш марафонидаги ғолиблиги рақибларининг протести ортидан бекор қилинди. Бу ҳақда бугун, 28 сентябрь куни спортчининг ўзи Instagram саҳифасида маълум қилди.

Тўқсонбоева мусобақани 3 соат 22 дақиқа 20 сония натижа билан биринчи бўлиб якунлаган ва Қозоғистон терма жамоасига тўққизинчи олтин медални олиб келиши керак эди. Бироқ масофани босиб ўтганидан сўнг қозоғистонлик спортчининг натижаси бўйича протест берилган. Мусобақа баённомасида унинг натижаси қаршисида “Protested” белгиси пайдо бўлган.

Маълум бўлишича, рақиблар Тўқсонбоева кийган ASICS кроссовка модели World Athletics’нинг расмий рухсат этилган пойабзаллар рўйхатига мос келиш-келмаслигини баҳс остига қўйган.

Шу тариқа, спортчининг натижаси бекор қилиниб, Қозоғистон терма жамоаси унинг ҳисобига ёзилиши керак бўлган олтин медалдан маҳрум бўлган. Тўқсонбоева эса якуний қарордан аввалроқ ижтимоий тармоқларда, ҳатто ундан олтин медаль олиб қўйилган тақдирда ҳам, қайтиб келиб, уни яна қўлга киритишини айтган.