Мағлубият учун ҳамма айбдор – Гвардиола

“Манчестер Сити” бош мураббийи Хосеп Гвардиола “Реал”га қарши Европа Чемпионлар лигаси плей-офф босқичининг биринчи ўйинидаги мағлубиятга сабабчи бўлганлар ҳақида гапирди.

Учрашув 3:2 ҳисобида Испания клуби фойдасига ҳал бўлди. Мезбонлар ҳисобда икки марта олдинда туриб, барибир баҳс якунида мағлубиятни қабул қилиб олди. 

“Мен “Манчестер Сити”да кўп йиллардан буён ишлайман ва ажойиб жамоанинг, ҳақиқий машинанинг бир қисмиман, аммо ҳозирча жамоага юзага келадиган салбий вазиятлардан чиқишда ёрдам берадиган нарсани таклиф қила олмайман. Бу натижалар учун жавобгарлик барчамизнинг зиммамизда. Тан оламан, бизнинг тизимда ҳамма нарса аввалгидек ишламаяпти. Бир ўйинчини айблаш осон, лекин бу бемаънилик. Ҳамма айбдор, биринчи навбатда мен айбдорман. Гап шундаки, биз етарлича барқарор ўйин кўрсата олмаяпмиз”, дейди Гвардиола.

2024/2025 йилги Европа Чемпионлар лигаси плей-офф босқичининг жавоб ўйини Мадридда 20 февралга ўтар кечаси бўлиб ўтади. “Реал”га қарши баҳдан олдин “Ман Сити” Англия чемпионати доирасида 15 февраль куни “Ньюкасл”ни қабул қилади.