Lukashenko yangi raketalarni O‘zbekiston poligonlarida sinashni aytib o‘tdi

22 may kuni Belorus Prezidenti Aleksandr Lukashenko Machulishchi (Minsk viloyati) mintaqasidagi so‘nggi harbiy o‘zgarishlar bilan tanishdi. U bu yerda Belarusning mudofaa sohasidagi strategik vazifasi nimada ekanligini va mamlakat nima uchun raketa quroliga muhtojligini aytib berdi. Bu haqda BelTA xabar berdi.

Lukashenkoga ko‘ra, pandemiyaga qaramay, “hech kim urushdan voz kechmagan“.

“Agar hamma davlatlar urushni bekor qilsa yaxshi bo‘lar edi. Ammo epidemiyalar, pandemiya sabab hech kim urushni bekor qilmaydi. Afsuski, biz tinchlik davrida unga tayyorgarlik ko‘rishimiz kerak. Agar tayyorlamasang, Xudo saqlasin, albatta, keyin natija achchiq bo‘ladi“, deydi Prezident.

Lukashenkoning so‘zlariga ko‘ra, mamlakatning mudofaa sohasidagi strategik vazifasi “dushmanga yo‘l qo‘yib bo‘lmaydigan darajada zarar yetkazish“.

“Biz bilan jang qilishga qaror qilganlar bizni munosib javob berishimiz mumkinligini tushunishlari uchun buni hozir namoyish qilishimiz kerak. Qurol-yarog‘ nuqtai nazaridan eng yaxshi javob bugun raketalar, yuqori aniqlikdagi qurollardir“, deydi Belarus rahbari.

Lukashenkoga mamlakatda Xitoy raketalari yig‘ilishi o‘zlashtirildi, deyilganida, u Belarus “o‘z raketasiga muhtoj“ ekanligini ta’kidladi.

“Biz boshqa mamlakatlarga bog‘liq bo‘lgan qurollarni yarata olmaymiz. Hech kim bizga bu qurollarni bermaydi. Biz xitoylar bilan kelishuvga erishganimizdan baxtiyormiz. Ammo boshqa qaramlik bo‘lmasligi kerak“ deydi davlat rahbari.

Ishlab chiquvchilar Lukashenkoga 300 kilometrgacha masofani nishonga olishga qodir bo‘lgan birinchi prototip raketasi sentyabrgacha paydo bo‘lishiga ishontirishgan. Lukashenko sinov uchun Xitoy, Qozog‘iston, O‘zbekiston, Saudiya Arabistonidagi poligonlarni taklif qildi.

Shu bilan birga, Lukashenko Belarusning raketalarini sinovdan o‘tkazish uchun o‘quv maydonchasi berishdan bosh tortgan Rossiyaning pozitsiyasidan g‘azablandi.

“Siz ruslar oldida tiz cho‘kishingiz shart emas. Bizning eng yaqin ittifoqchimiz nafaqat biz bilan raketa ishlab chiqarishga rozi bo‘lmadi, balki mashq maydonchasini ham bizga bermadi. Bu o‘ziga xos signal“, deydi Prezident.