Левандовски фақат Роналду ва Месси эришган натижани такрорлади
Спорт
−
27 Ноябрь 2024 1650
Европа Чемпионлар лигаси (ЕЧЛ) умумий босқичи 5-туридан ўрин олган “Брест” билан ўйинда (3:0) дубль қайд этган “Барселона” ҳужумчиси Роберт Левандовски Европанинг асосий турнирида 100 та голлик маррани забт этди ва ҳозирга келиб польшалик ҳужумчининг голлари сони 101 тага етди.
“Жуда бахтлиман. 100 яхши рақам, лекин мен аллақачон 101 та гол урдим. Кўп йиллар олдин Чемпионлар лигасида 100 дан ортиқ гол ура оламан деб ўйламагандим. Криштиану ва Месси билан бир сафда бўлиш ажойиб!” дейди Левандовски.
Қайд этиш жоиз, бунгача фақат Криштиану Роналду (140) ва Лионел Месси (129) Левандовски қайд этган натижага эришган.
Европа клубларида тўп сураётган ҳозирги футболчилардан Европа Чемпионлар лигасида 100 та голга энг яқин кўрсаткичлар Томас Мюллер (54) ва Килиан Мбаппега (49) тегишли. Улар мос равишда “Бавария” ва “Реал”да тўп тепади.
Live
БарчасиСамарқанд шаҳрида метро қурилади.
14 Январь
Доллар курси пастлади.
14 Январь
