Лавров “янги уруш”га тайёргарлик кўраётган 3 давлат номини айтди

north_east

Лавров урушни фронт чизиғида музлатишни рад этди

Ҳозирда Евроатлантика ҳамжамиятининг барча саъй-ҳаракатлари янги урушга тайёргарлик кўришга қаратилган ва Германия, Франция ва Буюк Британия бу жараённинг бошида турибди. Бу ҳақда Россия Ташқи ишлар вазири Сергей Лавров Анталия Дипломатик форумида сўзлаган нутқида айтди.

“Евро-Атлантика ҳамжамиятининг барча саъй-ҳаракатлари янги урушга тайёргарлик кўришга қаратилган. Германия эса Франция ва Буюк Британия билан биргаликда бунинг бошида турибди”, деди вазир.

Ташқи ишлар вазирлиги раҳбарининг сўзларига кўра, хавфсизликни таъминлаш мақсадида тузилган Евроатлантика тузилмалари барбод бўлди ва уни мустаҳкамлай олмади, барқарорликни ҳам таъминлай олмади. Лавров бундай тузилмага мисол сифатида Европада Хавфсизлик ва Ҳамкорлик Ташкилотини кўрсатди.

Вазирга айтишича, бу тузилмалар мамлакатдаги иқтисодий вазият ёмонлашиб бораётганига қарамай, кескинликни қўзғатишга ва Европани, жумладан Германияни қайта ҳарбийлаштиришга муваффақ бўлди.

Лавровнинг сўзларига кўра, Европа Иттифоқи ҳозирда “шубҳасиз, НАТОнинг шарққа, жанубга бориш режалари учун ўз ҳудудини тақдим этувчи” Евроатлантика сиёсатининг бир қисмидир.

Россия бир неча ойдан бери АҚШ билан музокаралар олиб бормоқда, унинг асосий мавзуларидан бири Украинадаги можарони ҳал қилишдир. Лавров аввалроқ АҚШ Оқ уйнинг янги маъмурияти даврида тинчликка, Европа эса урушга интилмоқда, деган фикрни билдирган эди.

Шу доирада Лавров Франция ва Буюк Британиянинг Украинага тинчликпарвар кучларини юбориш ҳақидаги ғояларини тилга олди.

“Бу ҳам беадаблик. Бугун Европа яна Россияга қарши чиқди, барча глобал фожиалар европаликларнинг тажовузкор ҳаракатлари билан бошланган”, дейди у.

НАТО Россия билан уруш хавфи ҳақида бир неча бор гапирган. Мисол учун, жорий йилнинг январь ойи ўрталарида НАТО Бош котиби Марк Рютте альянс “уруш давридаги фикрлашга ўтиши” ва унинг олдини олиш учун урушга тайёргарлик кўриши кераклигини айтди. Март ойида Европанинг мудофаа бўйича комиссари Андрюс Кубилюс Европани Россия ва НАТО ўртасидаги қарама-қаршиликка тайёр туриш учун “энг ёмонига тайёрланишга” чақирган эди. Кубилюснинг таъкидлашича, Москва беш йил ёки ундан камроқ вақт ичида блок билан тўқнаш келишга қодир.

Кремль Россия блокдан фарқли ўлароқ, ҳеч қачон ҳарбий инфратузилмасини НАТО томон кўчирмаган, шунинг учун Москва альянсга ҳужум қилмоқчи, дейиш мантиққа тўғри келмаслигини таъкидлади.

Эслатиб ўтамиз, жорий йилнинг 18 февраль куни Россия Ташқи ишлар вазири Сергей Лавров Саудия Арабистонида бўлиб ўтган Россия-Америка музокараларидан сўнг ўтказилган матбуот анжуманида НАТОга аъзо давлатларнинг ҳарбий контингентларини Украинага жойлаштириш Москва учун қабул қилиб бўлмас ҳолатлигини айтганди.