Ламин Ямаль 91 йиллик рекордни янгилади

Ламин Ямаль “Барселона” тарихида 50 та гол урган энг ёш футболчига айланди. У бу натижага Испания чемпионатининг иккинчи турида “Райо Вальекано”га қарши учрашувда (5:2) иккита гол киритиш орқали эришди.

Кеча, 31 август учрашув куни Ямаль 19 ёш 49 кунлик эди. Аввалги рекорд эгаси испаниялик ҳужумчи Хосеп Эскола бўлиб, у 1935 йилда 20 ёш 356 кунлигида 50 та голлик маррага етган.

“Барселона” тарихидаги энг яхши тўпурар Лионель Месси эса ушбу кўрсаткични 21 ёш 120 кунлигида қайд этган.

Маълумот учун, Ямаль “Барселона” тарбия тизими маҳсули ҳисобланади. Ҳужумчи 2023 йил апрель ойидан бери асосий жамоа сафида тўп тепиб келмоқда.

У каталонияликлар билан уч марта Испания чемпионати (2023, 2025, 2026), икки марта Испания Суперкубоги (2025, 2026) ва бир марта Испания Кубоги (2025) ғолиби бўлган.

Шунингдек, Ямаль Испания терма жамоаси билан 2024 йилги Европа чемпионати ва 2026 йилги Жаҳон чемпионатида ғолиб чиққан.