Ла Лига Африкада ўтказилиши мумкин

Спорт

−

11 Апрель visibility915 timer1 дақиқа

Испания Ла Лигаси президенти Хавиер Тебас миллий чемпионат ўйинларини бошқа давлатда ўтказиш фикрини яна илгари сурди. Бу ҳақда президент MAP нашрига берган интервьюсида сўз очди.

Манбага кўра, Тебас чемпионат ўйинларини Марокашда ўтказиш бўйича муҳокама қилган. Бу вариантнинг аввалги таклифлардан устунлиги Марокашнинг географик жиҳатдан яқинлиги деб кўрилмоқда.

“Ҳа, Марокашдаги Испания чемпионатини кузатиб борувчи мухлислар сонини ҳисобга олсак, у ерда ўйнаш осонроқ бўлади деб ўйлайман, айниқса саёҳат билан боғлиқ логистик чекловлар жуда кам бўлгани учун”, дейди Ла Лига президенти.

Маълумот ўрнида, ўтган йили Лига “Барселона” – “Виллареал” ўйинини АҚШнинг Майами шаҳрида ўтказмоқчи бўлганди, аммо кескин норозилик сабаб бекор қилинганди.

Рамазон Усанов

Мақола муаллифи