Конгода Эбола қурбонлари сони 1 400 нафардан ошди

Конго Демократик Республикасида Эбола вируси тарқалиши давом этар экан, тасдиқланган касалланиш ҳолатлари 3 200 тага етди. Бу ҳақда мамлакат ҳукумати томонидан кеча, 26 июль куни эълон қилинган расмий маълумотда айтилди.

Маълум қилинишича, эпидемия бошланганидан буён вирус оқибатида 1 405 киши ҳаётдан кўз юмган. Ҳукумат касаллик тарқалишини чеклаш мақсадида юқори хавфли ҳудудларда тиббий кузатув, беморларни изоляция қилиш ва аҳолини хабардор қилиш ишларини кучайтирмоқда.

Эбола – юқумли ва ўлим даражаси юқори бўлган вирусли касаллик бўлиб, у инсонлар ўртасида тана суюқликлари орқали юқади. Мутахассислар касалликни барвақт аниқлаш, беморларни тезкор даволаш ва эмлаш тадбирлари эпидемияни назорат қилишда муҳим аҳамиятга эга эканини таъкидламоқда.

Конго Демократик Республикаси илгари ҳам Эбола эпидемиялари билан бир неча бор тўқнаш келган бўлиб, айниқса мамлакатнинг шарқий ҳудудларидаги хавфсизлик муаммолари ва чекланган тиббий инфратузилма касалликка қарши курашни қийинлаштирмоқда.

Эслатиб ўтамиз, аввалроқ вирусдан 1300 дан ортиқ одам вафот этилгани, шифокорлар эса ойлик ва бонуслар тўланмагани учун ишни тўхтатгани хабар қилинганди.