Kolumbiya Prezidentiga suiqasd uyushtirildi (video)

Kolumbiya Prezidenti Gustavo Petro unga qarshi suiqasd uyushtirish rejasi fosh etilganini ma’lum qildi. Bu haqda “El Tiempo” nashri xabar bergan.

Prezidentga ko‘ra, davlat rahbari Kordova departamentiga vertolyotda uchib borayotgan vaqtida ehtimoliy hujum xavfidan qochib qutulgan. 

Prezidentning aytishicha, hujum uning vertolyoti Karib dengizi sohiliga qo‘nishi rejalashtirilgan paytda amalga oshirilishi mumkin edi.

“Tan olishim kerak, o‘sha paytda suiqasddan qochib yurgandim, shuning uchun vaqtida yetib bora olmadim. Belgilangan joyga qo‘na olmadik. Hatto qo‘nish chiroqlarini ham yoqishmadi”, degan u.

Fevral oyi boshlarida Kolumbiya va AQSH Prezidentlari – Gustavo Petro va Donald Tramp Oq uydagi uchrashuvdan so‘ng munosabatlar yumshagani haqida xabarlar tarqalgan edi. Oval kabinetdan chiqqanidan bir necha soat o‘tib bergan intervyusida Kolumbiya rahbari uchrashuvni 10 balldan 9 ballga baholagan.

Bundan avvalroq, Petro AQSH tomonidan ehtimoliy harbiy hujum bo‘lgan taqdirda, Kolumbiyani himoya qilish uchun qurol ko‘tarishga tayyor ekanini bildirgan edi. Shuningdek, u Tramp uni Venesuela Prezidenti Nikolas Maduro kabi osonlik bilan “o‘g‘irlab keta olmasligi”ni ham ta’kidlagan.