Коллеж ва техникумларга кириш тест синовларининг якуний натижалари эълон қилинди

Профессионал таълим муассасаларига кириш тест синовларининг якуний натижалари эълон қилинди. Бу ҳақда Билимни баҳолаш агентлиги хабар берди.

Маълумки, 2023 йил 26-30 сентябрь кунлари 2023-2024 ўқув йили учун профессионал таълим муассасалари (коллеж ва техникумлар) га кириш тест синовлари ўтказилди.

Бунда талабгорларнинг тест синовида тўплаган баллари тест синови ўтказилган куннинг эртасигаёқ my. uzbmb.uz сайтида эълон қилиб борилди.

Бугун, 3 октябрь куни эса профессионал таълим муассасаларига кириш тест синовлари бўйича якуний танлов натижалари эълон қилинди.

Талабгорлар танлов натижаларини my. uzbmb.uz сайти орқали шахсий кабинетидан билиши мумкин.

“Тест синови натижасидан норози бўлган абитуриентлар икки кун давомида (3-4 октябрь кунлари) профессионал таълим муассасасида ташкил этилган апелляция комиссиясига апеллация шикоятини бериш ҳуқуқига эга”, дейилади хабарда.