Хушхабар! Янгийўлда 7 кг оғирликдаги чақалоқ дунёга келди (видео)

Тошкент вилояти Янгийўл шаҳар туманлараро перинатал марказида вазни 7 килограмм 3 грамм бўлган қиз бола чақалоқ дунёга келди. Бу ҳақда Соғлиқни сақлаш вазирлиги матбуот хизмати хабар берди.

Билдирилишича, чақалоқнинг аҳволи қониқарли деб баҳоланмоқда. Она кесарча кесиш орқали туғдирилган ва бу унинг тўртинчи фарзанди бўлган.

Вилоят соғлиқни сақлаш бошқармаси маълумотларига кўра, ҳозирда она ва бола шифокорлар назоратида.

Маълумот учун, бундай ҳолат ўтган йилнинг ноябрь ойида ҳам Нурафшонда кузатилган бўлиб, сал кам 7 килограммлик вазндаги ўғил бола чақалоқ туғилган.

Эслатиб ўтамиз, аввалроқ Сирдарё вилоятининг Мирзаобод туманида яшовчи Мусурмонқул ва Соҳиба Абдуқаҳҳорова уч эгизакнинг ота-онасига айланган эди. Чақалоқларга Фотима, Юсуф, Юнус дея исм қўйилган. Туғуруқ жараёни Республика ихтисослаштирилган она ва бола саломатлиги илмий-амалий тиббиёт маркази Сирдарё филиалида маҳоратли шифокорлар назорати остида жарроҳлик амалиёти орқали, асоратсиз бажарилган.