Холанд ёзда “Ман Сити”дан кетади – манба
Спорт
−
10 Январь 3174
“Манчестер Сити” ҳужумчиси Эрлинг Холанд мавсум якунида инглиз клубини тарк этади. Бу ҳақда футбол журналисти Франсуа Галлардо ўз X саҳифасида маълум қилди.
Манбага кўра, 23 ёшли норвегиялик форвард ёзда “Барселона”га ўтади. Холанднинг Каталония клубига ўтиши анча олдин келишиб олинган. “Кўк-анорранглилар” футболчининг трансфери учун 100 миллион евро тўлайди.
Бунгача футболчини Испаниянинг бошқа бир гранд жамоаси “Реал”га ўтиши ҳақида хабарлар тарқалаётганди.
Маълумот учун , Эрлинг Холанд 2022 йилнинг ёзида Дортмунднинг “Боруссия”сидан “Манчестер Сити”га ўтган эди. Жорий мавсумда 23 ёшли норвегиялик футболчи барча турнирларда 22 та ўйин ўтказиб, 19 та гол урди ва 5 та голли узатмани амалга оширди. “Transfermarkt” интернет портали футболчининг нархини 180 миллион еврога баҳоламоқда.
Live
Барчаси
