Кекса Назарбоев операциядан кейин биринчи марта кўриниш берди
Олам
−
09:13 2959 1 дақиқа
Қозоғистоннинг биринчи президенти Нурсултон Назарбоев кеча, 23 август куни бўлиб ўтан Қурултой депутатлари сайловида уйдан чиқмаган ҳолда иштирок этди. Яқинда жарроҳлик амалиётини ўтказган собиқ президентнинг уйига кўчма овоз бериш қутиси келтирилган.
Назарбоевнинг матбуот хизмати унинг соғлиғи туфайли шахсан сайлов участкасига бора олмаганини маълум қилди. Собиқ давлат раҳбари ўз сайлов ҳуқуқидан қонунда белгиланган тартибда уйида фойдаланган.
Эълон қилинган фотосуратда Назарбоев Қозоғистон давлат герби тасвирланган кўчма сайлов қутисига бюллетень ташлаётгани акс этган. Суратда 86 яшар Назарбоев анча кексайиб қолгани, унинг сочлари тўлиқ оқарганини кўриш мумкин.
Сўнгги йилларда Нурсултон Назарбоев жамоат ва сиёсий тадбирларда камдан-кам кўринмоқда. Соғлиғига қарамай, у янги бир палатали Қурултойни шакллантириш бўйича овоз беришда иштирок этган.
Live
Барчаси
