Карим Бензема “Олтин тўп” учун курашда етакчига айланди

“Реал Мадрид”нинг франциялик футболчиси Карим Бензема 2021-2022 йилги мавсумни ажойиб тарзда ўтказмоқда. Бензема ПСЖ ва “Челси”га қарши ўйинда хет-трик қайд этгани бутун дунё футбол ихлосмандларини ҳайратда қолдирди. Натижада, Англиянинг “Goal” нашри томонидан эълон қилиб бориладиган “Олтин тўп”га даъвогарлар рейтингида Карим Бензема биринчи ўринга чиқиб олди.

“Олтин тўп”га номзод 10 нафар футболчи билан танишинг:

1. Карим Бензема (“Реал Мадрид”) (40 та гол, 13 та голли узатма 2021-2022 йилги мавсумдаги статистикаси);
2. Роберт Левандовски (“Бавария”) (52 та гол, 8 та голли узатма);
3. Муҳаммад Салоҳ (“Ливерпуль”) (30 та гол, 15 та голли узатма);
4. Килиан Мбаппе (ПСЖ) (40 та гол, 27 та голли узатма);
5. Лука Модрич (“Реал Мадрид”) (6 та гол, 10 та голли узатма);
6. Садио Мане (“Ливерпуль”) (22 та гол, 4 та голли узатма);
7. Кевин Де Брюне (“Манчестер Сити”) (15 та гол, 12 та голли узатма);
8. Винисиус Жуниор (“Реал Мадрид” (17 та гол, 15 та голли узатма);
9. Фил Фоден (“Манчестер Сити”) (11 та гол, 13 та голли узатма);
10. Трент Александр-Арнольд (“Ливерпуль”) (2 та гол, 21 та голли узатма).

Маълумот ўрнида, “Goal”нинг 5 апрель куни эълон қилган рейтингида Роберт Левандовски етакчилик қилаётган эди. Шунингдек, янгиланган рейтингдаги номзодлар 20 талигидан Криштиану Роналду тушиб қолди. Лионель Месси эса бу сафар ҳам ушбу рўйхатдан ўрин олмаган.

Маъруф Абдумаликов