Канададаги отишмада уч киши ҳалок бўлди
Олам
−
23 июн 1468 2 дақиқа
Канаданинг Монреаль шаҳрида қуролланган шахс томонидан уюштирилган отишма оқибатида уч киши ҳалок бўлди. Бу ҳақда “The Guardian” хабар қилди.
Маълум қилинишича, ҳодиса 22 июнь куни шаҳарнинг Кот-де-Неж туманидаги меҳмонхона яқинида содир бўлган. Полиция маълумотига кўра, узун ствол билан қуролланган гумонланувчи ҳуқуқ-тартибот ходимларига ўқ узган. Полиция жавоб ўқлари узиб, ҳужумчини йўқ қилган.
Монреаль полицияси раҳбари Фади Дағернинг маълум қилишича, отишма оқибатида бир полиция ходими ҳалок бўлган, яна бири оғир яраланган. Ярадор ходимнинг аҳволи барқарор деб баҳоланмоқда. Ҳалок бўлган полициячи 34 ёшли Муҳаммад Ламин Бенредуан экани маълум қилинган. У 2021 йилдан бери полиция сафида хизмат қилиб келган.
Расмийларнинг таъкидлашича, воқеа маҳаллий вақт билан соат 11:35 атрофида бошланган. Фавқулодда хизматларга меҳмонхона ойнасидан қурол чиқариб турган шахс ҳақида хабар келиб тушган. Воқеа жойига етиб келган полициячиларга нисбатан ўқ узилган. Ижтимоий тармоқларда тарқалган видеоларда полиция ва гумонланувчи ўртасидаги қуролли тўқнашув акс этган.
Канада Бош вазири Марк Карни содир бўлган воқеани “дахшатли” деб атаган. Гувоҳларнинг сўзларига кўра, ҳудудда ўнлаб ўқ овозлари эшитилган. Қурилиш соҳасида ишловчи Жейкоб Куту аввал тўрт-бешта, кейин эса яна кўплаб ўқ овозларини эшитганини айтган. Маҳаллий аҳоли вакиллари ҳужумчи ҳарбий услубдаги кийимда бўлганини билдирган.
Терговчилар ҳозирча ҳужумчининг шахси ва ҳаракатлари ҳақида маълумот бермаган. Квебек провинцияси Хавфсизлик вазири Иан Лафреньернинг айтишича, бир нечта ҳуқуқни муҳофаза қилувчи идоралар иштирокида текширув ўтказилган ва ҳодиса террорчилик ҳаракати сифатида баҳоланмаган. Воқеадан кейин ҳудуд вақтинча ёпилган бўлса-да, куннинг иккинчи ярмига келиб ҳаракат аста-секин тиклана бошлаган. Монреаль полицияси маълумотларига кўра, бу сўнгги 24 йил ичида хизмат вазифасини бажараётган вақтда ҳалок бўлган биринчи полиция ходими ҳисобланади.
Эслатиб ўтамиз, аввалроқ Филиппиннинг марказий қисмидаги ўрта мактабда икки нафар ўқувчи қуролли ҳужум уюштириши оқибатида уч киши ҳалок бўлди, яна етти киши яраланган эди.
Маълум қилинишича, ҳодиса 22 июнь куни шаҳарнинг Кот-де-Неж туманидаги меҳмонхона яқинида содир бўлган. Полиция маълумотига кўра, узун ствол билан қуролланган гумонланувчи ҳуқуқ-тартибот ходимларига ўқ узган. Полиция жавоб ўқлари узиб, ҳужумчини йўқ қилган.
Монреаль полицияси раҳбари Фади Дағернинг маълум қилишича, отишма оқибатида бир полиция ходими ҳалок бўлган, яна бири оғир яраланган. Ярадор ходимнинг аҳволи барқарор деб баҳоланмоқда. Ҳалок бўлган полициячи 34 ёшли Муҳаммад Ламин Бенредуан экани маълум қилинган. У 2021 йилдан бери полиция сафида хизмат қилиб келган.
Расмийларнинг таъкидлашича, воқеа маҳаллий вақт билан соат 11:35 атрофида бошланган. Фавқулодда хизматларга меҳмонхона ойнасидан қурол чиқариб турган шахс ҳақида хабар келиб тушган. Воқеа жойига етиб келган полициячиларга нисбатан ўқ узилган. Ижтимоий тармоқларда тарқалган видеоларда полиция ва гумонланувчи ўртасидаги қуролли тўқнашув акс этган.
Канада Бош вазири Марк Карни содир бўлган воқеани “дахшатли” деб атаган. Гувоҳларнинг сўзларига кўра, ҳудудда ўнлаб ўқ овозлари эшитилган. Қурилиш соҳасида ишловчи Жейкоб Куту аввал тўрт-бешта, кейин эса яна кўплаб ўқ овозларини эшитганини айтган. Маҳаллий аҳоли вакиллари ҳужумчи ҳарбий услубдаги кийимда бўлганини билдирган.
Терговчилар ҳозирча ҳужумчининг шахси ва ҳаракатлари ҳақида маълумот бермаган. Квебек провинцияси Хавфсизлик вазири Иан Лафреньернинг айтишича, бир нечта ҳуқуқни муҳофаза қилувчи идоралар иштирокида текширув ўтказилган ва ҳодиса террорчилик ҳаракати сифатида баҳоланмаган. Воқеадан кейин ҳудуд вақтинча ёпилган бўлса-да, куннинг иккинчи ярмига келиб ҳаракат аста-секин тиклана бошлаган. Монреаль полицияси маълумотларига кўра, бу сўнгги 24 йил ичида хизмат вазифасини бажараётган вақтда ҳалок бўлган биринчи полиция ходими ҳисобланади.
Эслатиб ўтамиз, аввалроқ Филиппиннинг марказий қисмидаги ўрта мактабда икки нафар ўқувчи қуролли ҳужум уюштириши оқибатида уч киши ҳалок бўлди, яна етти киши яраланган эди.
Live
Барчаси
