Камола Харрис ўзи ва Байден бош бўладиган маъмурият қандай бўлишини айтди

Олам 4619
image

АҚШ вице-президенти лавозимига демократлардан даъвогар Камола Харрис бир нечта оммавий ахборот воситалари томонидан президентлик пойгасида ғолиб деб топилган Жо Байден маъмуриятининг идеал жиҳатларини санаб ўтди.

"Ишонч. Бирлик. Тартиб. Ҳақиқат. Бу Байден ва Харрис бошқарадиган маъмуриятнинг идеал жиҳатларидир", деб ёзган сиёсатчи ўзининг Twitter саҳифасида.

Аввалроқ, Жо Байден Рон Клайнни Оқ уй аппарати раҳбари этиб тайинлагани ҳақида хабар бергандик. Клайн Байденнинг собиқ маслаҳатчиси бўлган

АҚШнинг амалдаги Президенти Дональд Трампнинг бир неча маслаҳатчилари эса у барча овозлар натижаси эълон қилингандан кейин ҳам президентлик сайловларидаги мағлубиятини тан олмайди, деб ҳисобламоқда. 

Маълумот учун, АҚШда 3 ноябрь куни президентлик сайловлари бўлиб ўтди. Давлат раҳбари лавозимига демократ Жо Байден ва амалдаги Президент, республикачи Дональд Трамп даъвогарлик қилди.

7 ноябрь куни Американинг етакчи оммавий ахборот воситалари ABC News, CNN, AP ва NBC сайловларда демократ Жо Байден ғалаба қозонганини эълон қилди. Натижалар ҳали расман эълон қилинмаган.

Рушана Султонова
Мақолага баҳо беринг
Баҳолаганлар: 139
Рейтинг: 3
Теглар
t
×